أسئلة تجيب الجلطة

أسئله ترفع الضغط

اللي يسألها





مثلا :-


انت الحين بغرفتك منسدح بفراشك ومطفي الليت (النور) فجأه يدخل عليك
اخوك\اختك ويفتح الباب ويقولك بتنام ؟!! (لا برقص - اكيد بنام !!)
---------
انت لابس وكاشخ وقاعد تمشي بالبيت متجه للباب .. فجأه يشوفك واحد من اهلك
ويصرخ عليك ويقول بصوت عالي :- (هااا بتطلع !! (لا بجرب الباب زين ولا لا
الصراحه سؤال خطير !!
----------
انت قاعد بغرفتك وماسك الكتاب قاعد تدرس .. يدش عليك واحد من اهلك يقولك
(هاا قاعد تدرس !! (لا افرش اسناني !! يعني ماسك الكتاب شسوي اكيد ادرس
-----------
انت الحين بالكافيه صدفه شفت واحد من الربع او الاهل .. قالك هاا شتسوي هني !!
(ابيع بليلة ) !! لا تعليق
--------------------
لا وتعالو شوفو قنواتنا العجيبه واسئلتهم !!

مثلا بالعيد بيقابلون واحد من الناس شوفو الحوار :-

المذيع :- مرحبا عرفنا على أسمك ؟

المواطن :- فلان الفلاني . . . . .

المذيع :- شنو تقول لأهلك بالعيد ؟ ! ! !

المواطن :- أقولهم كل عام وأنتم بخير . .

(( لا بيقول لهم : منه المال ومنها العيال)) كنه زواج مو عيد

يعني السؤال تحفه والمذيع ومعد البرنامج اتحف على هالسؤال
------------------------
والأسخف من هالبديهيات اللي تضيع وقتنا إذا قابلو البزارين (الاطفال) , , ,

يقول المذيع للبزر:- أنت تحب ماما وبابا ! ! !

(( لا احبك إنت ووجهك)) سؤال غبي الصراحه !!

----------------
برنامج مسابقات على الهوا :-

المتصل :- الوو السلام عليكم
المذيع :- وعليكم السلام هلا وغلا
المتصل:- ممكن اشارك
(يعني انت داق علشان تشارك ليش تستأذن !! من زود الأتكيت يعني)
--------------------

يعني اسئله غبيه مثل هالاسئله ماشفت

ولك العافية والصحة يا أنا الهمس

ماشاء الله عليك

حاضرة في كل وقت بجد الهمس المناسب في المكان المناسب

شكرا لك على الرد الجميل

هههههههههههههههههههههههه
مشكور علي الموضوع الرئع

شكرا لك

وتراها فكرة من أهل الشرقية

متميزة أنتي حقا

ولك أحترامي

يعطيك العافيه
تحياتي لك

أشكرك فارس

ولك أجمل تحية

وأكمل تقدير

هههههههههه

اضحك الله سنك

مشكور

سلمت يمناك