فزاع
عضو فعال
عدد الرسائل : 89
: 
تاريخ التسجيل : 26/01/2009
 |  موضوع: كم طولك ؟ -بحث وشرح عن عملية نمو الجسم في الطول  السبت فبراير 21, 2009 4:15 am | |
| ـ مقدمة ـ
بالنسبة لكثير من الناس , طول الجسم يعتبر من المميزات المطلوبة والمرغوبة ..
وهناك عدة طرق يتبعها البعض للحصول على مزيد من الطول فعلياً, أو أقلاً ..مظهراً
يبدو أكثر طولاً ..
من المعروف لدى الجميع أن عملية نمو الجسم في الطول محكومة بفترة زمنية
تبدأ من المرحلة الجنينية حتى بداية العقد الثاني من عمر الفرد وتتفاوت من
شخص لآخر..
أيضاً , كثيراً ما نسمع عبارات من أمهاتنا مثل " فلان أخذ طوله كله بدري " ..
فما معنى هذه العبارة ..وهل لها تفسير علمي أم أنها مجرد خرافة ..؟
في هذا الموضوع ..سنذكر نبذة بسيطة عن عملية نمو العظام المتمثلة
في نمو الجسم في الطول ..كيف تحدث بالضبط ..وعن العوامل المؤثرة
في طول العظام ..
=*=*=*=
أول شي ..لما نتكلم عن طول الجسم فاحنا نتكلم عن طول العظام ..
ومثل ما نعرف , العظام لها أشكال مختلفة ..
في عظام مسطحة مثل الجمجمة , عظام قصيرة مثل الموجودة في اليد
بس مش عظام الأصابع, وفي العظام الطويلة الي هي موضوع حديثنا لأنها
نموها هو السبب الرئيسي في نمو الجسم في الطول ..مثل عظام الرجل
والذراع و الأصابع ( مع أن الأصابع صغيرة وقصيرة , لكن عظامها تعتبر
من العظام الطويلة )..
و طبعاً كون العظام الطويلة هي الي تساعد الجسم في الطول , ما يعني أن
باقي العظام ما تنمو !
الحين ناخذ لمحة سريعة على تركيب مهم في العظم الطويل الي بيكون مدخلنا
للعملية ..
أول شي هذي صورة لعظم طويل ..عظمة الفخذ (femur) الي هي
أطول وأقوى عظمة في الجسم ..
لو قطعنا العظمة بالطول ..حتى نشوف تركيبها من داخل ..وطبعاً كل العظام
الطويلة تشترك في نفس هذا التركيب ..مو بس عظمة الفخذ ..فراح نشوف
تقريباً شي مثل هذا ..هني أبغاكم تحقرو البيانات وتشوفو الشكل بس ..
عندنا طرفين..ومن أجل التبسيط ..راح نعتبر كل طرف هو رأس للعظم ..
يعني رأسين ..والجزء الطويل الي بينهم هو المحور ..
** هذي معلومات زيادة للتوضيح :
الطرفين , كل طرف اسمه epiphysis..(إبيـفيسيس)
أما المحور اسمه diaphysis ..(دايافيسيس)
طيب ..الحين آخر صورة شفناها ...أبغاكم تحقروها ..
ونشوف صورة ثانية أقرب ..
واضح طبعاً أن الجزء الأزرق و الجزء البني داخله اثنينهم يمثلو الطرف (epiphysis)
والمحور واضح بعد باللون البني هو (diaphysis)
احنا راح ناخذ طرف واحد للتبسيط بس طبعاً العملية تصير في الطرفين ..
..تنبيه مهم ..هذي البيانات غلط في الصورة ..هم عاكسين الاسماء..
لكن لأن هذي الصورة أوضح للفهم لهذا نستخدمها ..
المهم..احنا نعرف أن العظام صلبة طبعاً ..ونعرف أن الغضروف الي يكون لنا
المفصل الي موقعه ما بين عظمة وعظمة ثانية, أقل صلابة وأكثر ليونة ..
فالآن لو نظرنا للصورة مرة ثانية ..الجزء الأزرق هذا الي يغلف رأس العظم
هو غضروفي ..يعني ما هو صلب مثل العظم ..وطبعاً في اختلافات في تركيبهم..
و طبعاً احنا شايفين أن الرأس فيه أيضاً عظم (اللون البني) , لكنه مغلف بالغضروف ..
و اللي يهمنا هو المنطقة الواقعة في المنتصف ما بين الرأس والمحور ..دورو في
الصورة عن Epiphysial plate ..هذي المنطقة الغضروفية هي الي تهمنا ..
مو الي اسمها Articular cartilage ..!
هذي الـ Articular وظيفتها تابعة للمفصل الي بين العظم ..فاحقروها !
الـ epiphysial plate يسموها أيضاً الـ growth plate أو " منطقة النمو" ..
طيب ..الآن الخلاصة من هذا كله..كيف ينمو العظم في الطول ..
هذي المنطقة الغضروفية ..خلاياها الغضروفية تدخل في انقسامات عديدة
وتنتج ملايين الخلايا..وكل هذي الخلايا غضروفية في البداية ..لكن بعد فترة
قصيرة ..تموت هذي الخلايا ..وتحل محلها خلايا عظمية صلبة ..الي تركيبها
مثل تركيب العظم الي في المحور والرأس..يعني راح يكون في عندنا زيادة
في العظم ..! ..معناها العظم راح يطول ..وفي النهاية الجسم كله راح يكون
أطول ..
بكل بساطة ..كل ما زاد انقسام المنطقة الغضروفية (منطقة النمو) وتبدلت
بخلايا عظمية كل ما زاد طول الشخص ..
وطبعاً بعد ما عرفنا كيف الشخص يزيد طوله ..نقدر ببساطة نستنتج ..كيف
الشخص يتوقف عن الزيادة في الطول ..!
اللي يحصل ..أن خلايا المنطقة الغضروفية بتعبير عامي ..تخلص !!
وما يبقى منها ما يساعد على الانقسام والطول ..فتتحول المنطقة
الغضروفية هذي أيضاً إلى عظم ..مثل ما هو موضح في الصورة هذي ..
فخلاص ..نسمي هذي عملية الاتحاد ما بين الرأس والمحور ..بدل ما كانو مفصولين
من قبل بطبقة غضروفية ..الآن هم متحدين ..والمنطقة الغضروفية تتحول لخط ..
بدل ما كانت epiphysial plate...صارت الحين epiphysial Line ..
نلاحظ أن فيه طبقة زرقاء غضروفية لا زالت باقية ..هذي مثل ما قلنا ما لها أي
علاقة بالطول ..هذي بس تابعة للمفصل ..والآن...الشخص صاحب هذي العظام
يكون توقف عن الطول خلاص ..و " أخذ طوله كله " ..
وما راح يصير أطول من الطول الي وصل له ..!
الحين نوريكم صورة حقيقية لشكل منطقة النمو ..
وين المربع الأحمر ..وحرف a في الصورة ..هذي هي منطقة النمو..غضروف طبعاً ! ..
وهذي قبل ما يحصل الاتحاد ما بين الرأس والمحور ..
هذي صورة ثانية حقيقية..بعد ما صار الاتحاد ..
وين السهم الأسود ..هذا المكان الي كان فيه الغضروف..وصار epiphysial line
الحين ..!
لما نقول " أخذ طوله كله بدري" ..معناها أنه عملية الاتحاد هذي صارت بسرعة ..
ممكن والشخص عمره 18 سنة أو أقل أحياناً يتحد الرأس بالمحور وخلاص يوقف
الانقسام والطول..وممكن تظل الطبقة الغضروفية عند شخص آخر لحد 20 سنة أو
أكثر ..
..
وتمنياتي للكل بقراءة مفيدة .. | |
|
صفاء القلوب
عضو نشيط
عدد الرسائل : 401
كيف تعرفت علينا؟؟ : 0
:
تاريخ التسجيل : 17/11/2008
| | موضوع: رد: كم طولك ؟ -بحث وشرح عن عملية نمو الجسم في الطول السبت فبراير 21, 2009 8:50 am | |
| سبحااان الله
جزاك الله خير مشكور | |
|
جيمي
المشرفه المعطاء
عدد الرسائل : 619
كيف تعرفت علينا؟؟ : 0
:
تاريخ التسجيل : 20/11/2008
| | موضوع: رد: كم طولك ؟ -بحث وشرح عن عملية نمو الجسم في الطول السبت فبراير 21, 2009 9:24 am | |
| مــشــكــورهـ
ننتــظر جديدك | |
|
االرحال
عضو نشيط
عدد الرسائل : 1010
العمر : 49
الموقع : منتديات جيمي
المزاج : مقفل 25 ساعة
كيف تعرفت علينا؟؟ : منها هي فقط
تاريخ التسجيل : 24/01/2009
| | موضوع: رد: كم طولك ؟ -بحث وشرح عن عملية نمو الجسم في الطول السبت فبراير 21, 2009 5:34 pm | |
| موضوع مميز وهام
شكرا لك والله يافزاع
وتقبل مروري | |
|
تستهبل بس تهبل
وسام التميز
عدد الرسائل : 798
العمر : 31
كيف تعرفت علينا؟؟ : 0
:
تاريخ التسجيل : 17/11/2008
| | موضوع: رد: كم طولك ؟ -بحث وشرح عن عملية نمو الجسم في الطول الإثنين فبراير 23, 2009 12:50 am | |
| | |
|
