يا خايني

إيه d]خنتك ] ..
لأجل أنا أرد إعتباري ..!
صح هنتك ..
و ماني محتاجة أداري
و لا ترجى إعتذاري ..!
وإسمع اللي لك بقوله
يا تفاهات الطفولة
ماني بذيك الخجولة
وبـ أجرحك يا جارحي ..!
شفت وشلون الخيانة قاسية
لحد " الإهانة " ..!
مير من باب الميانة
قلت مثلك بـ أطعنك
وإنت بحدود البكي
لا تكثّر بالحكي
و لا تظن إنك ذكي
وإنت جرحي يسكنك ..!
تهمتك لي [ الخيانة ]
زيد معها ..
سبق إصرار و ترصد ..!
يعني النية في قلبي / نية مبينة
لأني أصلاً و بصراحة ..
خنت عمداً
لأجل أوريك اللي شفته
ولا تظن إني " جبانة "
جيت أواجه ..!
وإسمع لهرجي رجاء
خنتني يوم الوفاء فيني كبير
يعني أنت اللي بديت
هنتني يوم العطاء مني كثير
ودون مآ أدري ..
قسيت ..!
و الفعل لا بد له / ردة فعل ..!
و أنا منك انعميت
قلت أسوي مثل فعلك
ثم فعلت ..!
ليه بفهم .. إنفعلت ..!
آه يا ذا [ المجتمع ]
الصداقة للرجل
والخطايا للرجل
والخيانة للرجل
قابلينه في خطاه ..!
بس إحنا
ما لنا غير الخجل
والتغلي والوجل
والله أعطانا قلوب .. تعشق بصدق / وتذوب
ولجل حب اللي نحب
نسعى حتى للدجل ..!
آه ما أغباه قلبي يوم ظنيت الوفاء .. والعاطفة
وإحساس الدفا
ممكن إنها تجتمع بهالزمن في قلب واحد
يا خايني / مع السلامة ..!
رح مع ذاك الطريق
خنتك لأنك تستحق الطعن وكفوف الغدر
منت بكفو بنتٍ وفية تملك الحب العميق
طابت جروحي يوم شفتك
منصدم بي منقهر ..!