لحظه .. لحظه اسمعيني مواخوك اسمه وليد

صدفه جتني طالعتني من بعيد اليابعيد
من كثر ماهي تطالع قمت اطالعها واصد

ماوعيت الا برهبه كن نبضاتي تزيد
كنت اطالعها وخايف كنت اقرب وابتعد
قمت افكر واتذكر قمت اردد قمت اعيد
زاد خوفي ..وارتباكي خوفي لا يدري احد

الا هي .. قامت تنادي انت فيصل ؟؟ قلت اكيد
وانتي منهو جاوبت من دار ابو مشعل حمد
طالع بعيني وشوف في عيوني شي فريد
وين حبك ..وين وعدك... ان حبي للابد

ياخساره ايش صاير ليه كذا صاير بليد
وين ياحب السوالف والمحبه والعهد
لحظه .. لحظه اسمعيني مو اخوك اسمه وليد
لا . ياحظي لا ياقلبي انا اخوي اسمه سعد

قمت اخربط في كلامي صار في قلبي وقيد
قمت اعدد انتي ساره ..والا نوره.. والا ريم اوشهد
ياخساره كنت اظن اسمي مدون بالوريد
ماحسبت احساس قلبك يسكنه هذاالعدد

ليه تخدعني؟ بحبك وانت لي كنت الوحيد
كنت اسافر في عيونك مايرافقني احد
كان يعجبني عنادك كنت اسميك العنيد
كنت احب اروع صفاتك يوم تعلنها ابد

كنت تاخذ من فؤادي كنت اجيلك بالمزيد
كنت تسبقني لقلبي يوم تصرخ ياوعد
كنت اصارع فيك حبي وانت حبك مايحيد
كنت اشوف الكون كله في عيونك لي بلد

كنت تاخذ من شعوري كلما تبغى وتريد
كنت مدري تحتويني كنت اظنك لي سند
كنت غير الناس عندي كنت لي شيخ وسيد
اذكراني كنت اسولف في غيابك حق سعد

واشتكي من طول بعدك وانت فيني موبعيد
ليتني ماقلت احبك ليت قلبي ما نولد
ياكثر ماكنت احبك شوفتك لي يوم عيد
ياكثر ماصرت اكره نبض قلبي للابد

اسمعيني .. لوسمحتي واسمعي الراي السديد
من ثمان سنين كنتي في حياتي ياوعد
واذكراني كنت احبك واذكر اني كنت اشيد
في محبه ماذكر انه عاشها مثلي احد

ماختلفنا !! بس عودي لازمن امس البعيد
فيه كان الناس تخشى في العشق جزر ومد
كنت اشوفك في خيالي في حروفي والقصيد
رغم بعدك عن عيوني وبيننا حاجز وسد

رغم بعدك وابتعادك كنت احس اني سعيد
كنت اراضي فيك قلبي كنت اخف عنه واشد
كن حبي والمشاعر والاماني كالعبيد
نرتمي بحضان قلبك لين ماذاب الوعد

ياوعد الوقت عدى وصرت انا وانتي نعيد
عهد مدري كيف عدى المهم نفس العهد
تذكري وش كنت اسوي لانتهى عندي الرصيد
كنت اشوف الليل مظلم وارجع لعينك وارد

ارتمي في حضن همسك وابتدي لك من جديد
من كثر ماكنت اسولف كنت احس اني اسد
ياوعد.. شكلك تغير بعد هالعمرالمديد
تدري اني من تركتك صار لي بنت وولد

ملطووش