إحترنا والله من هالتخرعات نموت أزين يعني ولا نأكل

والله طفح الكيل.....ملييناااا
الانترنت صار مقرف .
اول نفتحه ندور شي يوسع الصدر, الحين ما فيه الا الاكله هذي مسرطنه,
والعصير هذا يسبب صلع ,وكيس الخبز اذا شقيته بدون تفك الربطه يسبب سرطان في الابط,
والصابون اذا حطيته في فمك يسبب سرطان لثه.
والله مليت
كل شي مسرطن .كل شي ضار ..
يلعن بليسكم اذا كل شي مسرطن وضار وشلون عشنا.
حتى الحب قالوا مسرطن..
والشطة الي فيها مادة سو بي كورا مي دقني طق طق طق لخلخ لخوه ملخوخ وجع يوجع بطونهم!!!..مسرطنه
الجح الي يباع في عز الصيف مسرطن.
الماء الي تشربه بعد الوجبه يسبب حوله..
طيب ياخي غصيت وشلون ادف اللقمة بيدي وإلا اموت .
الله يلعن ام الاشاعات..
لا والمصيبه اذا صار مصدر الاشاعة شركة
تعال شوف شركة سنكرس تستخدم زيت الخنزير عشان تدعم اسرائيل!!!.
والله يا جماعه من كثر الخزعبلات تلخبطت الافكار.

الشماغ اذا لبسته والمرزام مقلوب يسبب سرطان في الاصبع الصغير من رجل شغالتكم
(عشانها هي اللي تغسله)

مجتمع ناس عقلها خربان..كله اشاعات
وأي شي تلقاه عندك ومبسوط فيه يقرفونك فيه ويقولون يسبب مرض.
مثل عندك الخيار
تحبه ولذيذ والسلطه بدونه ولا شي .يطلع لك طلعه
ويقول ان الخيار كبير الحجم يسبب سرطان قولون ولا معدة ولا اي شي يضيق صدرك

طيب ياخي السؤال الي يطرح نفسه...

الخيار كبير الحجم وش يستخدم فيه!!!!!رد يعني نحذفه يعني

هذا كوم وتراه ما يخلص وخلونا نروح للكوم الثاني
________________

الكوم الثاني
مليت من الرسايل الدينيه المكذوبة .
كلها احاديث مكذوبه ومصطنعه.واخرتها يجي يقولك
قل هذي الجمله؟؟؟؟؟ الآن كسبت 398321 حسنه..
على كيف امك هي .توزع حسنات ياخرونق
لا ويقولك انتبه لا يضحك عليك الشيطان ارسلها .انتبه تضغط دليت ترا اصل كلمت دليت

delete = devel

وتعني الشيطان
تلاحظ انا اول حرفين نفس الشي
de
Vوبدل.
L. بحرف
L يعني لا يضحك عليك الشيطان

Tوحرف
معناها تخسي تضحك علي

وصدقوني انا كتبتها وبعد فترة بتجيكم اشاعة وان مخترع الكيبورد يهودي

الله يلعن ام الخزعبلات يا شيخ

انتبه انتبه ترا الشيطان واقف جنبك
ما درا ان الشيطان هو اللي يضحك عليه وطاق معسل جنبه ويقول قم غير لي جمر

والملاحظ ان مصدر هالخزعبلات الدينية هو صغار السن والجهله .
والا الي هم في جهه والدين في جهه ثانية..
ما اقول ان انا كامل انا مثلكم
بس ياخي قبل ما ترسل تاكد ان الاذكار يبغى لها تفكر وتامل واخلاص نية لله ..
موب قاعد تقول الاذكار ومحمد عبده يدهر معك..

سامحوني كل الحكاية ان الكيل طفح.....
وعلى طاري الطفح
ترا كثرة البربرة في النت تسبب طفح جلدي في السواق حق البيت

إذا كان إندونيسي

أما إذا كان هندي فتسبب له سرطان في أكمام القميص حق السنة الماضية

صدقت بــ كلآآآمــك

صدقت اخوي

مو كل كلام صحيح

توكل على الله وسم بالله واكل

اما على الامور الدينيه

صحيح للأسف لكن في موضوع للتأكد من المواضيع الصحيحه والخاطئة ويرد عليها شيخ في قسم الشؤون الدينيه

ومشكور
بالتوفيق

هههههههههههههههههااااااااااااااااااااااااااي

حلوووه الاشاعه الاخيره هههههههههههههههههه

يعطيك الف عافيه بن وايل على خزعبلاااتك هههههههههههههه

لاعدمناك

ههههههههه ايه والله كل شي يسبب سرطان

يعطيك العافيه

شكرا لكم جميعا على المرور

وبارك الله فيكم

وموضوع الشيخ

جزاك الله خير أنا ثبته عندي

في المواضيع المفضلة

بارك الله فيكم جميعا

» √ √ √ عــــــــيـــــب والله عــــيــــــــب √ √ √
» هلا والله ب هانا مونتانا
» معقول يعني بعد هالعمر حنيت
» قلت لك هذا لعوب يعني افهم لاتذوب!!!!!!!
» كيف عرفت المنتدى وماذا يعني اسمك